ថ្ងៃទី ០៣ ខែធ្នូ គឺជាថ្ងៃប្រារព្ធខួបលើកទី ៣១នៃទិវាលជនពិការអន្តរជាតិ។ នៅព្រះសគមន៍
បាត់ដំបងមណ្ឌលស្វាគមន៍ជនពិការក៏បានប្រារព្ធទិវានេះផងដែរដែលមានអ្នកចូលរួមប្រមាណ
ជា១០០នាក់រួមជាមួយលោកអភិបាល គីគេ ហ្វីការេដូ ជាអភិបាលភូមិភាគបាត់ដំបង,
លោកបូជាចារ្យ តូតេត, លោកបូជាចារ្យ ម៉ានុជ, និងភ្ញៀវអន្តរជាតិជាច្រើនអ្នកផងដែរ។

លោកអភិបាល គីគេ បានមានប្រសាសន៍ថាៈ យើងគួរគិតអំពីជនពិការនៅក្នុងប្រទេសកម្ពុជា
ជួយជំរុញនិងលើកទឹកចិត្តដល់ពួកគេ។ ខ្ញុំសូមថ្លែងអំណរគុណដល់រាជរដ្ឋាភិបាលដែលថ្មីៗ​
នេះបានទទួលស្គាល់ជាផ្លូវការអំពីសិទ្ធជនពិការនៅកម្ពុជាក្នុងការចូលរួមជាមួយសង្គម។
ដូចបេសកម្មរបស់យើងដែលយើងបានធ្វើការជាមួយជនពិការ និងមានការជួយឧបត្តមខាងផ្នែក
សិក្សារៀនសូត្រ និងផ្តល់ជាឱកាសការងារដល់ពួកគាត់ថែមទៀតផង។ ម្យ៉ាងវិញទៀតយើងក៏មាន
កន្លែងសំរាប់ទទួលជនពិការដែលមានជីវៈភាពក្រីក្រដើម្បីស្នាក់អាស្រ័យផងដែរដូចដែលយើងបាន
មានកន្លងមកនៅក្នុងមណ្ឌលស្វាគមន៍ជនពិការ និង៣កន្លែងទៀតនៅ អូតាញៀរ, ព្រៃធំ, និង ស្រុករតនៈមណ្ឌល។

ចំណែកឯលោក ឆាំ សរ ជាអ្នកដែលស្ថិតិក្រោមការឧបត្តមរបស់មណ្ឌលស្វាគមន៍ជនពិការបាន
បង្ហាញពីអារម្មណ៍របស់គាត់ៈ ខ្ញុំមានអារម្មណ៍សប្បាយរីករាយដែលខ្ញុំមានថ្ងៃនេះជីវៈភាពរបស់ខ្ញុំ
មានការល្អជាងមុនដោយមានការឧបត្ថមពីមណ្ឌលអារ៉ូប៉េ និងម្យ៉ាងវិញទៀតកូនរបស់ខ្ញុំក៏បានទទួល
ការគាំទ្រនៅក្នុងការសិក្សាផងដែល។​

យុវជន វែន ជាអ្នករស់នៅក្នុងមណ្ឌលអារ៉ូប៉េ និងជាអ្នកទទួលការឧបត្ថមពីមណ្ឌលបានបញ្ចេញពី
អារម្មណ៏របស់ខ្ឡួនថាៈ ពីមុនដោយសារតែជីវៈភាពគ្រួសារខ្ញុំក្រីក្រពេកហើយខ្លួនខ្ញុំជាជនពិការផង
ខ្ញុំបានគិតថាខ្ញុំជាមនុស្សគ្មានតម្លៃអ្វីទាំងអស់នៅក្នុងសង្គមហើយខ្ញុំក៏មិនដែលគិតថាខ្ញុំមានថ្ងៃនេះដែរ។
បន្ទាប់ពីបានមករស់នៅក្នុងមណ្ឌលស្វាគមន៍ជនពិការនេះខ្ញុំមានអារម្មណ៏ថាខ្ញុំបានតម្លៃដោយសារ
មានការលើកទឹកចិត្តពីសំណាក់លោកអភិបាល និងអ្នកដែលនៅជុំវិញខ្ញុំ ពួកគេបានជួយដល់ខ្ញុំនិង
ជួយឲ្យខ្ញុំមានអារម្មណ៏ថាខ្ញុំមានសិទ្ធដូចមនុស្សផ្សេងទៀតនៅក្នុងសង្គមដែរ។​

ពុយ

នៅពេលថ្មីៗនេះមានគ្រូពេទ្យស្ម័គ្រចិត្តអេស្ប៉ាញម្នាក់ឈ្មោះ មីដៀម បានមកជួយពិនិត្យជម្ងឺទូទៅ
ដល់​ប្រជាជននៅបាត់ដំបង។ នេះគឺជាលើកទី២ហើយដែលគាត់បានមកជួយនៅកម្ពុជា និងប្រជាជន
ក្រីក្រនៅតាមភូមិនៅក្នុងខេត្របាត់ដំបង​។ គាត់បានចុះទៅពិនិត្យជម្ងឺដល់កន្លែងមួយចំនួនដូចជាៈ
នៅមន្ទីរឃុំឃាំង, ព្រះសហគមន៍ស្នឹង, និគម,តាហែន, ច្រាបវាល, ឈើទាល, ខ្នាចរមាស, បាត់ដំបង,
ភូមិក្បាលស្ពាន, ស្រុកឯកភ្នំ, និងនៅមណ្ឌលស្វាគមន៍អ្នកជម្ងឺនៅបាត់ដំបង។​ គាត់បានបង្ហាញអារម្មណ៏របស់គាត់ថាៈ ខ្ញុំមានចិត្តសប្បាយរីករាយណាស់ដែលបានមកប្រទេស
កម្ពុជា និងជួយដល់ប្រជាជនកម្ពុជាដែលក្រីក្រទៅតាមអ្វីដែលគាត់អាចជួយបាន។

នៅព្រះសហគមន៍ កាតូលិកបាត់ដំបង បានប្រារព្វពិធីប្រោស់ទឹកព្រះពរលើរូងភ្នំព្រះនាងម៉ារីដែល
ទើបតែសាងសងថ្មី កាល់ពីថ្វៃអាទិត្យ ទី១១ ខែវិច្ឆកា ឆ្នាំ២០១២ កន្លងទៅថ្មីៗនេះ។រូងភ្នំព្រះនាងម៉ារី
បង្កើតឡើងក្នុងគោលបំណងអោយគ្រីស្តបរិស័ទ បានធ្វើការអធិដ្ឋានទួលអង្វរដល់ព្រះនាង​និងអរ
ព្រះគុណព្រះនាងនូវអ្វីដែរព្រះនាងបានថែរក្សាដល់បងប្អូនគ្រីស្តបរិស័ទអោយបានសេចក្តីសុខ។
ម្យ៉ាងវិញទៅបងប្អូនគ្រីស្តបរិស័ទទាំងអស់បានយកព្រះនាងធ្វើជាទីពំនឹង ពំនាក់ និងធ្វើជាគំរូក្នុង
ការរស់នៅប្រចាំថ្ងៃផងដែរ។ ក្នុងថ្ងៃនោះដែរមានលោកអភិបាល គីគេ ហ្វីការេដូ និងលោកបូជាចារ្យ
តូតេត ប៉ាណៃណាល់ បានប្រារពពិធីប្រោះទឹកព្រះពរលើរូងភ្នំព្រះនាងម៉ារីនេះ ព្រមទាំងមាន
បងប្អូនគ្រីស្តបរិស័ទជាច្រើនអ្នកបានចួលរូបក្នុងពិធីនោះផងដែរ។ក្នុងថ្ងៃនោះបងប្អូនគ្រីស្តបរិស័ទ
បាននាំគ្នាសូត្រនូវធម៌របស់ព្រះនាងយ៉ាងលឺរំពងឡើង ហាក់បីដូចជា ថ្ងៃដែលលើកព្រះយេស៊ូលើក
ព្រះនាងម៉ារី ឡើងស្ថានបរមសុខនោះដែរ។គណៈពេលនេះក៏មានភ្លៀងរលឹមតិចៗដូចព្រះនាង
បានប្រោះព្រុំដល់គ្រីស្តបរិស័ទាំងអស់ បានសេចក្តីសុខគ្រប់ៗគ្នា។ សូមបញ្ជាក់ រូងភ្នំនេះមិនទាន់
កសាងចង់ដោយបរិបូរណ៍នៅឡើងទេ ប៉ុន្តែបានដាក់អោយបងប្អូនគ្រីស្តបរិស័ទ ធ្វើការអធិដ្ឋាន
ដល់ព្រះនាង ជាបណ្តុះអាសន្តសិន។